FOTO/ Ky është biznesmeni italian i cili u gjet i vrarë në Tepelenë

Personi që shihni në foto është 44-vjeçari italian Edoardo Sarchi, i cili u gjet i vrarë me armë zjarri në fshatin Salari të Tepelenës.

44 vjeçari është me origjinë nga Varese, administrator i fabrikës së tullave “Tegola Edilcentro” në zonën e Laprakës në Tiranë, ku banonte prej 20 vitesh.

Policia ka shoqëruar katër persona lidhur me vrasjen, mes tyre Eqerem Braçe dhe dy djemtë e tij, Daniel dhe Gazmend Braçe, si dhe një person të katërt, identiteti i të cilit nuk është bërë ende i ditur. Deri më tani, nuk ka një pistë konkrete për motivet e ngjarjes.

Deri më tani, sipas burimeve, ngjarja e rëndë ka ndodhur në vendin e quajtur Dilan, mes Nivicës dhe Salarisë, pak pas mesnatës. Sarchi kishte shkuar për gjah së bashku me tre persona të tjerë, përfshirë ortakun e tij, Eqrem Braçe, dhe djalin e këtij të fundit, Gazment Braçe. Ata kanë udhëtuar drejt vendngjarjes me dy automjete, një Land Rover dhe një Volkswagen, të cilat u gjetën nga policia në vendin e ngjarjes.

Grupi hetimor ndodhet në vendngjarje dhe po punon për zbardhjen e plotë të rrethanave që çuan në ekzekutimin e 44-vjeçarit italian.

LEXONI GJITHASHTU:

• “I doli para dhe e qëlloi”- Çfarë dihet nga vrasja e biznesmenit italian në Tepelenë
• Vritet një shtetas italian në Tepelenë