Ukraina po përballet me sulmet ruse që prej më shumë se një muaji, me luftime që kanë sjellë vdekjen e mijëra njerëzve, mes tyre civilë, dhe kanë shkatërruar shumë qytete.
Një pjesë e mirë e qytetarëve të Ukrainës, – plot 4,5 milionë sipas OKB-së -, janë detyruar ta lënë vendin e tyre për shtete më të sigurta.
Bisedimet për paqe mes Ukrainës dhe Rusisë nuk kanë sjellë armëpushim, ndërsa Rusia ka deklaruar se po i përqendron operacionet ushtarake në lindje të vendit, në rajonin e Donbasit.
Pavarësisht sanksioneve të shumta nga Perëndimi, dënimit të agresionit rus nga vende të të gjithë botës dhe përjashtimit të këtij shteti nga Këshilli për të Drejtat e Njeriut i OKB-së, duket se Rusia nuk ka plan të bëjë hapa mbrapa.