Fotografuan fletën e votimit, arrestohen dy persona në Tiranë

Dy persona në Tiranë janë arrestuar pasi gjatë procesit të votimit kanë fotografuar votën.

Njoftimi:

Në vijim të informacionit paraprak të dhënë më parë, se shërbimet e komisariateve të Policisë Nr. 3 dhe Nr. 4 kishin shoqëruar në ambientet e Policisë, 2 shtetas që sipas njoftimeve të kryetarëve të komisioneve të qendrave ku kishin votuar, kishin fotografuan fletët e tyre të votimit, informojmë se:

Në vijim të veprimeve procedurale në lidhje me këto raste, është bërë arrestimi në flagrancë i këtyre 2 shtetasve, konkretisht H. D., 57 vjeç dhe R. L., 28 vjeç, për veprën penale “Shkelja e fshehtësisë së votimit”.

Materialet procedurale do t’i referohen Prokurorisë, për veprime të mëtejshme në lidhje me rastet.

LEXONI GJITHASHTU:

• Fotolajm: Në Zapod të Kukësit materialet çohen me mushka në qendrat e votimit
• Elbasan: Dy procedime penale për shkelje të procesit zgjedhor, SPAK e BKH në aksion