Franca kritikon Kosovën për aksionin policor në veri
Ministria e Jashtme e Francës shprehu shqetësime me aksionin e fundit të kryer nga Policia e Kosovës në katër komunat në veri, duke thënë se këto “veprime të njëanshme kontribuojnë në përshkallëzimin e tensioneve”.
Më 20 maj, autoritetet e Kosovës mbyllën gjashtë objekte të Bankës Kursimore të Postës dhe Bankës Popullore të Serbisë, që operonin në katër komunat në veri, të banuara me shumicë serbe.
Gjatë aksionit, që autoritetet e Kosovës thanë se kishte të bënte me vendosjen “e rendit dhe ligjshmërisë”, u konfiskuan prova të ndryshme, përfshirë para.
Aksioni policor i 20 majit është kritikuar nga Shtetet e Bashkuara dhe Bashkimi Evropian. Uashingtoni tha se aksioni ishte i pakoordinuar me partnerët ndërkombëtarë, ndërkaq Brukseli e cilësoi si veprim përshkallëzues.
Sipas MPJ-së franceze, veprimet e njëanshme “kërcënojnë diskutimet që po vazhdojnë” në dialogun mes Kosovës dhe Serbisë, që ndërmjetësohet nga Bashkimi Evropian, për gjetjen e një zgjidhjeje të përkohshme për njerëzit e prekur nga zbatimi i rregullores të Bankës Qendrore të Kosovës për pagesat me para të gatshme.
Që nga 1 shkurti, në Kosovë ka hyrë në fuqi rregullorja e re e BQK-së, që parasheh euron valutë të vetme për kryerjen e pagesave, duke ndaluar përdorimin e dinarit serbë.
“Franca u bënë thirrje autoriteteve kosovare që të përmbahen nga çdo veprim i mëtejmë i njëanshëm. Ne inkurajojmë të dyja palët që t’i kthehen tryezës së diskutimeve dhe të punojnë për propozimin e kompromisit të paraqitur nga ndërmjetësi evropian, që është e vetmja bazë reale për të arritur një marrëveshje që lejon përfituesit të marrin transfere financiare nga Serbia”, u tha në njoftimin e Francës.
LEXONI GJITHASHTU:
Kallas: Bllokada detare e rebelëve Huthi ndaj Arabisë Saudite, rrezikon stabilitetin rajonal
BE-ja gjobit Google me 890 milionë euro për shkelje të konkurrencës
Të dërguarit e BE-së bien dakord për paketën e 21-të të sanksioneve kundër Rusisë
- 17:04 Mbi 80 mijë persona nënshkruajnë një peticion që kërkon përsëritjen e finales së Kupës së Botës
- 16:57 Berisha akuzon Ramën për reformën territoriale: Erdhi në Kuvend për ta varrosur
- 16:30 Erëra të forta dhe det i trazuar gjatë së premtes, apeli i Kapitenerisë së Vlorës për pushuesit dhe operatorët
- 16:26 Kryeministri Rama largohet nga Kuvendi, opozita hedh shishe dhe karton drejt tij (VIDEO)
- 16:12 Trump: Marrëveshja bërthamore me Riadin lidhet me njohjen e Izraelit
- 16:00 Deçan, 56-vjeçari humb jetën nga të shtënat me armë zjarri, dyshohet se u qëllua nga djali i tij