Ministri i Brendshëm francez Gerald Darmanin mbërriti në Romë mbrëmjen e së hënës për të diskutuar krizën e fundit të emigracionit me homologun italian Matteo Piantedosi.
Vetëm pak ditë më parë, të dy ministrat kishin shprehur vullnetin e përbashkët për të forcuar sigurinë kufitare dhe për të luftuar trafikantët e qënieve njerëzore.
“Çështja është politizuar tej mase. Politikanëve u duhen zgjidhje të shpejta, u duhen edhe parulla të tipit “Ne po e zgjidhim situatën”. Nuk funksionon kështu. Ne duhet t’i shpjegojmë opinionit publik se këto janë çështje komplekse që kërkojnë kohë, burime dhe zgjidhje të ndryshme. Kjo është mënyra e vetme. Nuk ka asnjë pushtim. Nuk ka asnjë katastrofë. Është diçka që mund të zgjidhet, por vendet duhet të punojnë së bashku”, tha Filippo Grandi, komisioner i UNHCR-së.
Më herët, Italia miratoi një paketë masash shtrënguese që përfshijnë zgjatjen e kohës së qëndrimit në burg për trafikantët që mund të arrestohen dhe hetohen, si dhe më shumë mundësi për riatdhesimin e atyre që nuk kanë të drejta ligjore për të qëndruar.
LEXONI GJITHASHTU:
- Emergjenca e emigrantëve/ Mannino: Plagë e hapur për njerëzimin, Evropa ta mjekojë
- FRONTEX: Numri më i madh i emigrantëve që nga viti 2017 nga Mesdheu qendror në BE
