Frikë në Kiev nga ardhja e Trump, Borrell shkon me urgjencë në Ukrainë

Shefi i politikës së jashtme të BE-së, Josep Borrell, ka mbërritur në Kiev për të riafirmuar mbështetjen e Bashkimit Evropian për Ukrainën, ndërsa Rusia vazhdon sulmet.

Borrell theksoi se mbështetja për Ukrainën ka qenë prioritet i tij personal dhe do të mbetet në krye të agjendës së BE-së. Ai e bëri këtë deklaratë pas një sulmi të ushtrisë ruse ndaj infrastrukturës civile në Odesa.

Borrell e cilësoi mbështetjen evropiane për Ukrainën si të patundur dhe theksoi se BE-ja do të vazhdojë të mbështesë Ukrainën “sa të mundet”.

Ai komentoi gjithashtu shqetësimet në Kiev pas fitores së Donald Trumpit në SHBA, i cili kishte sugjeruar një marrëveshje të shpejtë të paqes me Rusinë, një ide që është refuzuar më herët nga Zelensky.

Borrell theksoi se BE duhet të shfrytëzojë këtë mundësi për të ndërtuar një Evropë më të bashkuar dhe të aftë për të mbështetur Ukrainën.

LEXONI GJITHASHTU:

• Trump bisedë telefonike me Zelenskyn, biseda dhe ndërhyrja surprizë e Elon Musk
• SHBA ekspozon planin iranian për vrasjen e Trumpit pak javë përpara zgjedhjeve