Fshihet në Dubai, kush është “Pole qorri”, në kërkim për vrasjen e Gentjan Bejtjas

Flodian Plaku, 41 vjeçari nga Vlora është një prej personave të përtfshirë në atentatin ndaj Gentjan Bejtjas në oborrin e shtëpisë së tij në Fushë Krujë.

Plaku, i cili njihej në qytetin e lindjes me nofkën “Pole qorri”, është shpallur në kërkim ndërkombëtar nga policia.

Burime për Euronews Albania bëjnë me dije se dyshohet që 41 vjeçari të jetë larguar drejt Dubait, vend i njohur si pikëstrehimi për personat e lidhur me krimin.

Flodian Plaku, një prej katër atentatorëve të vrasjes së Bejtjas, njihet gjithashtu edhe me dy mbiemra të tjerë, Mamo dhe Serjani.

Kujtojmë që Gentian Bejtja, një nga emrat më të njohur të policisë në zonën e Fushë Krujës, është ekzekutuar në mars të këtij viti, në një atentat me armë zjarri brenda oborrit të shtëpisë së tij në Larushk.

Dyshohet se autorët pasi kanë rënë në gjurmët e Gentjan Bejtjas, kanë qëlluar me 4 automatikë kallashnikov.

LEXONI GJITHASHTU:

• Vrasja e Gentjan Bejtjas/ Rexhepi: Hakmarrje personale, i gjetën 30 plumba në trup
• Vrasja e Gentjan Bejtjas|Shpallet në kërkim një tjetër person i përfshirë në atentat