Fusha e mbetjeve në Vlorë përfshihet nga flakët, situatë alarmante për banorët

Fusha e mbetjeve urbane në Vlorë është përfshirë përsëri nga flakët, duke u kthyer në një vatër zjarri masive dhe duke shkaktuar shqetësim të madh për banorët përreth dhe ambientin. Re të dendura tymi dhe flakë të mëdha janë parë në zonën e njohur për depozitimin e mbetjeve ndër vite, duke rikthyer një situatë të njohur alarmi.

Zjarri ka përfshirë një sipërfaqe të konsiderueshme, ndërsa një nga makineritë e rëndësishme për sistemimin e mbetjeve, një eskavator është djegur plotësisht në vendngjarje.

Ekipet zjarrfikëse dhe autoritetet lokale ndodhen në terren dhe po punojnë për izolimin e plotë të flakëve, por ende nuk ka një informacion zyrtar mbi shkaqet e përsëritura të zjarreve në këtë zonë. Ngjarja ngre sërish pikëpyetje mbi menaxhimin e mbetjeve dhe masat parandaluese në këtë territor.

LEXONI GJITHASHTU:

• Situtata në PD?! Gazetari Hoxha: Anëtarët e PD-së po punësohen në administratë
• Rama nxjerr pamjet e rrugës së rinovuar në Qafë Thanë: Lehtëson qarkullimin