Futbollisti i njohur i Arsenalit i gatshëm për të luftuar në Ukrainë

Oleksandr Zinchenko, futbollisti i njohur i Arsenalit, ka deklaruar se është i gatshëm të largohet nga Britania e Madhe për të luftuar në Ukrainë.

Zinchenko thekson se do të përgjigjet pozitivisht nëse thirret për të luftuar për vendin e tij të lindjes.

27-vjeçari tregon se që nga pushtimi i Rusisë në 2022, ai ka dhuruar mbi 1 milion £ për të ndihmuar njerëzit në vendin e tij, duke shtuar gjithashtu se nuk do të hezitonte asnjë moment për të shkuar për të luftuar.

Në shkurt, presidenti Zelensky tha se 31,000 ushtarë ukrainas ishin vrarë gjatë pushtimit të Rusisë dhe dhjetëra mijëra civilë kishin vdekur në zonat e vendit të pushtuara nga Moska.

Mbrojtësi i Arsenalit shtoi gjithahstu se njeh qindra fëmijë, prindërit e të cilëve kanë vdekur në luftë.

“Unë kam një ëndërr që kjo luftë do të përfundojë shumë, shumë shpejt dhe ne mund ta rindërtojmë Ukrainën tonë ashtu siç dëshirojmë me të vërtetë.”- shprehet Oleksandr Zinchenko.

LEXONI GJITHASHTU:

• Konfirmohet identiteti i më shumë se 50 mijë ushtarëve rusë të vrarë në Ukrainë
• Dështimet në flotën e Detit të Zi, Moska ndërron komandantët e Marinës ruse
• Diplomatët e huaj vendosin lule në vendin e sulmit në sallën e koncerteve në Moskë