Presidenti Bajram Begaj ka përshëndetur rezultateve e takimit në Ohër mes kryeministrit të Kosovës Albin Kurti dhe presidentit të Serbisë Aleksandar Vuçiç, ku u arrit një dakordësi për zbatimin e marrëveshjes për normalizimin e marrëdhënieve.

Përmes një postimi në faqen e tij zyrtare në Facebook, Begaj shprehet se kjo arritje është një garanci më shumë për paqen, stabilitetin dhe të ardhmen e rajonit në Bashkimin Evropian.

“Përshëndes arritjen në Ohër të Maqedonisë së Veriut të dakordësimit publik mes Kosovës dhe Serbisë dhe angazhimit për të zbatuar marrëveshjen bazë dhe të aneksit përkatës.  Ky dakordësim është një garanci më shumë për paqen, stabilitetin dhe të ardhmen e rajonit në Bashkimin Evropian. Besimplotë se garantët e këtij dakordësimi do ta bëjnë atë të detyrueshme e të zbatueshme nga palët. Falenderoj Bashkimin Evropian për ndërmjetësimin dhe Shtetet e Bashkuara të Amerikës për mbështetjen e fuqishme”, shprehet Begaj.

LEXONI GJITHASHTU:

Zbardhet aneksi i zbatimit të marrëveshjes Kosovë-Serbi

Takimi në Ohër, zbardhen detaje nga diskutimet Kurti-Vuçiç