Deputet i Partisë Demokratike, Belind Këlliçi tha për mediat se mos dhënia e fjalës për opozitën në Kuvend është një sjellje absurde që s’mund të anashkalohet më.

Ai nënvizoi se asnjë nga deputetët e opozitës nuk fyeu askënd, ama Garda madje preku me duar zonjat duke i shtyrë.

“I bëj thirrje të menjëhershme sekretarit të Përgjithshëm të Kuvendit, zotit Gjonçaj, kryetares së Kuvendit, Lindita Nikolla të zbatojë ligjin, të zbatojë rregulloren e Kuvendit. Në duhet të futemi në seancë plenare, Garda e Republikës të zbatojë ligjin,” – u shpreh Këlliçi.

Gazetarja e Euronews Albania, Eksiola Shehu e pyeti Këlliçin për qëndrimin që do të mbajnë në rast se Byroja rrëzon kërkesën e tyre dhe përgjigja e tij ishte: “nuk më intereson”.

Biseda:

Belind Këlliçi: Ne duhet të futemi brenda. Unë duhet të futem në seancë parlamentare, kur të dali vendimi i Byrosë le të dalë.

Eksiola Shehu: Forcërisht?

Belind Këlliçi: Po pse duhet të më pyesësh a duhet të hyj forcërisht?

Eksiola Shehu: Jam duke ju pyetur sepse pak më parë ju dhe kolegët tuaj tentuat të hynit forcërisht.

Belind Këlliçi: Jo, nuk tentuam të futeshim ne forcërisht sepse e patë Garda e Republikës po tentonte forcërisht të na bënte presion dhe mos të na linte të hynim.

Eksiola Shehu: Sepse jeni i përjashtuar.

Belind Këlliçi: Nuk jam i përjashtuar, ja ku janë dokumentet. Ku e sheh ti që jam i përjashtuar?

Eksiola Shehu: Ju përjashtoi dje sekretariati i etikës.

Belind Këlliçi: Ja ku është ankimimi në zbatim të rregullores së Kuvendit. Mos merr përsipër të interpretosh rregulloren sepse nuk e di. Po jua sqaroj unë, e keni të shkruar e zeza mbi të bardhë. Nuk kemi punë në Byro, kemi çuar dokumentet dua të hyj në seancë.

LEXONI GJITHASHTU:

• Të armatosur në tarracën e qendrës tregtare, si po ruhet parlamenti
• Me skafandra dhe shkop gome, FNSH blindon parlamentin para protestës