“Garë e këndshme mes bashkive”, analistja: Vetëm Korça me plan festash

Analistja e biznesit, Mira Pogaçi tha në një intervistë për “Review” në Euronews Albania se gara mes bashkive në këtë muaj festash është e këndshme, por nuk ka informacion aq sa duhet.

Ajo theksoi se pavarësisht atmosferës së bukur në të gjitha qytetet dhe angazhimit për t’i shijuar këto festa më shumë se vitet e tjera, ende nuk ka dalë plani i festimeve, përveçse në Korçë.

“Asnjë nga bashkitë nuk e ka nxjerrë planin e festave, as Tirana dhe më vjen keq që nuk e kemi ende një plan të tillë. Vetëm bashkia Korçë ka nxjerrë planin e festave nga data 2 dhjetor, kush këndon, festa e fëmijëve, teatri, tregu festiv. Natyrisht, nëse do ta konceptojmë si produkt lokal, njerëzit që do ecin rrugëve të qytetit do shohin që ka një koncert dhe patjetër surprizat do të jenë shumë të këndshme, pastaj nëse do e shohim si një produkt turizmi, sepse Saranda kishte aspirata të mblidhte turistë, besoj Korça më së miri po e bën këtë gjë. Më vjen shumë këndshëm kur e shoh dhe është për t’u përgëzuar si hap, por ka nevojë për marketingun,” – u shpreh Pogaçi.

LEXONI GJITHASHTU:

• Korça gati për festa, destinacioni i mijëra turistëve në dhjetor
• “Këtë fundvit gzo në Shkodër”- Qyteti verior ndez dritat e festave të fundvitit