Gashi: Kurti të tregohet i kujdesshëm me aleatët, negociatat me Serbinë të zgjatura

“Euronews” Serbia ka raportuar se SHBA-ja ka kërkuar që çështja e anëtarësimit të Kosovës në Këshillin e Evropës të mos vihet në agjendë, derisa “Kosova të marrë një qëndrim më konstruktiv për Asociacionin e Komunave me Shumicë Serbe, i cili do t’i hapte rrugën propozimit të marrëveshjes bazë ndërmjet Beogradit dhe Prishtinës”.

Në lidhje me këtë analisti Edon Cana në një intervistë për Euroneës Albania, theksoi se aleatët e Kosovës po kërkojnë që marrëveshjet të jenë në përputhje me Kushtetutën e Kosovës.

“Është jo e vërtetë që propagandohet nga qeveria Kurti që kjo marrëveshje është shpallur anti-kushtetuese nga Gjykata Kushtetuese. Nuk është shpallur marrëveshja por parimet e nënshkruara bien ndesh me Kushtetutën. Aleatët tanë po kërkojnë që marrëveshjet të jenë në përputhje me Kushtetutën. Armiku i Kurtit tashmë është populizmi me të cilin ai ka propaganduar.”- theksoi Cana.

Ne kemi hyrë në marrëveshje kontraktuale me shtetet sponsorizuese kur e kemi shpallur Pavarësinë dhe kjo është ajo që kërkojnë aletatët tanë, kryesisht SHBA”- shtoi Cana.

Nga ana tjetër analisti Blerim Gashi theksoi se kryeministri Albin Kurti duhet të jetë i kujdesshëm në marrëdhëniet me aleatët e Kosovës.

“Mosërputhjet me aleatët nuk çojnë deri në ndërprerjen e marrëdhënieve. Kurti duhet të jetë i kujdesshëm që marrëdhëniet mos të shkojnë deri në pikën e pakthim në aleatët me SHBA. Procesi i negociatave me Serbinë është i tejzgjatur ku njohës të mëdhenj e quajnë bullizëm diplomatik dhe qasje jo të duhur”- tha Gashi.

LEXONI GJITHASHTU: 

• KQZ vendos votim dhe numërim elektronik në 3 bashki
• Krimineli rus kërcënon Kosovën dhe Ukrainën: Ne marrin Kievin, serbët Prizrenin