Gati spitali i ri, 60 shtretër për sëmundjet e brendshme tek Spitali i Traumës

Edhe Spitali Universitar i Traumës do të ketë në brendësi të tij një spital, për trajtimin e sëmundjeve të brendshme.

Spitali të ri me një kapacitet prej 60 shtretërish dhe një qendër konsultash do të çel dyert duke filluar nga data 20 qershor.

Ai do të jetë i dedikuar për shërbimet e kardiologjisë, pneumologjisë, neurologjisë, endokrinologjisë, hematologjisë, nefrologjisë, reumatologjisë dhe psikiatrisë.

Spitali Universitar i Traumës pret rreth 70,000 urgjenca në vit, nga të cilat 20,000 urgjenca kirurgjikale dhe 50,000 urgjenca të traumave.

Çelja e këtij spitali do t’i vijë në ndihmë, uljes së numri të pacientëve që marrin shërbim në Qendrën Spitalore Universitare Nënë Tereza.

LEXONI GJITHASHTU:

• Bonusi i bebes “jo” emigrantëve, përfitues vetëm ata që jetojnë në Shqipëri
• Scholz takon Stoltenberg: Do mbrojmë pikat e dobëta të Aleancës