Gazetari Adriatik Doçi deklaroi i ftuar në Euronews Albania se SPAK ka prova mjaftueshëm për të marrë nën shqyrtim çështjen e vrasjes së 4 protestuesve gjatë protestës së 21 janarit.
Doçi tha se duhet hetuar përfshirja e zyrtarëve të lartë në nivel ministri dhe kryeministri për funksionimin si grup i struktuaruar kriminal.
Sipas tij urdhërat për vrasjen e protestuesve janë dhënë me gojë nga kryeministri dhe mënyra si janë zbatuar është e ngjashme me funksionimin e një grupi kriminal.
“Çështja e gardës dhe gardistët që kanë qenë në këtë rast si thjesht ekzekutorë nuk janë kompetemncë e SPAK-ut, por janë kompetencë e juridiksionit të përgjithsëm. Nëse ka prova që implikojnë zyrtarë që janë kompetencë e SPAK-ut, që për mua ka pafund, në nivel ministri apo kryeministri, atëherë mund të merret nën hetim nga SPAK. E dyta është nëse kjo çështje do të trajhtohet si grup i strukturuar kriminal. Nuk ka marrë pjesë një person, nëse dyshohet Sali Berisha nuk ka asnjë vendim të firmosur, ka vetëm retorika dhe urdhëra me gojë.
Kanë funksionuar si grup i strukturuar kriminal, kur kapoja i një grupi kriminal jep urdhër për eliminimin e një rivali, nuk ia jep me shkresë, ia jep me gojë dhe mundësisht vetëm me një sinjal në një vend pa kamera.
Nuk mund të imagjinohej që Berisha të firmoste një urdhër që vrisni protestues”, tha Doçi.
LEXO GJITHASHTU: