Gazetari: Ambasada ka ndihmuar në ngritjen e komisionit hetimor për inceneratorët

Gazetari Ferdinand Dervishi deklaroi se Ambasada Amerikane ka ndikuar në ngritjen e komisionit hetimor për inceneratorët, para të cilit para disa muajsh u paraqit dhe kreu i qeverisë Edi Rama.

I ftuar në emisionin “Review” në Euronews Albania, ai theksoi se konflikti mes Ramës dhe Yuri Kim filloi kur kryeministri doli me thirrjen që SPAK mos të merret vetëm me PS por dhe me kreun e PD-së Sali Berisha e kreun e Partisë së Lirisë Ilir Meta.

“Përplasja më e madhe filloi kur Rama doli e tha që SPAK duhet të shoh dhe nga ana tjetër, nuk duhet të merret vetëm me inceneratorët, por të merret dhe me Metën e Berishën. Pra përcaktoi parcelën. Kjo ndodh sepse SPAK është mbështetur nga SHBA dhe nga përfaqësuesja Kim. Ambasada ka ndikuar që të krijohet komisioni hetimor për inceneratorët dhe dërgoi Ramën atje të bëhej gaz”- tha ai.

LEXONI GJITHASHTU: 

• Philips: Bashkëpunimi SHBA-Shqipëri të jetë mbi politikat e jo mbi personalitetet
• Vuçiç paralajmëroi dërgimin e ushtrisë në Kosovë vjen reagimi i Kurtit
• Inskenoi vdekjen, arrestohet në Itali Davide Pecorelli, do ekstradohet në Shqipëri