Gazetari Reldar Deda tha në emisionin Now në Euronews Albania se thelbi i raportit të DASH lidhur me median është se Shqipëria ka media të lira por nuk ka media të pavarura.

Sipas tij, në Shqipëri ka media të lira që e godasin qeverinë, por jo të pavarura se liria e mediave funksionon në raport me mediat e tjera, ndërsa pavarësia në raport me vetveten.

“Në Shqipëri fakti që nuk ka pavarësi gazetari tregon se kemi ngritur një sistem jo profesional. Kishte edhe një koncept në raport, autocensura. Edhe kur nuk ka presion nga jashtë, gazetari autocensurohet për shkak të mungesës së pavarësisë, për mungesë fondesh”, tha gazetari.

LEXONI GJITHASHTU:

• DASH: Korrupsioni qeveritar dhe dhuna me bazë gjinore, ndër problemet kyçe në Kosovë
• Analistët: Pagesat e çmendura, njerëzit e SPAK prishën nivelin e pagave