Gazetari Aleksandër Çipa komentoi protestën e së shtunës së opozitës dhe protestën e ditës së sotme.
Në një intervistë për Euronews Albania, ai theksoi se është hera e parë që një kryetar i një partie zhvillon protestë para dyerve të kundërshtarit.
Ndër të tjera, ai tha se protesta e ditës së shtunë përcolli dy mesazhe, ndërsa shtoi se protesta e ditës së sotme do të përcaktojë ecurinë e aksionit të pashmangshëm opozitar.
“Opozitës i duhet një platformë që duhet të ngjallë besueshmërinë publike për ndryshimin dhe për rotacionin. Është hera e parë që kryetari i partisë kryesore të opozitës, që edhe pse ka probleme brenda partisë, zhvillon një protestë në dyert e selisë së kundërshtarit të tij politik. Dy janë semantikat që ka dashur të përcjellë: ose rikthehet në armën e fundit dhe të vetme që i ka mbetur të konflikti ose e bën këtë për të ndezur shpirtin e revoltës së opozitarëve. Kjo është shumë e rrezikshme.
Dy janë format e realizimit të protestës së sotme: ajo brenda sallës së Kuvendit, këmbëngulja për të imponuar ndryshimin e agjendës dhe nga ana tjetër protesta jashtë parlamentit. Këto do përcaktojnë dhe ecurinë e aksionit të pashmangshëm opozitar”- theksoi ai.
LEXONI GJITHASHTU:
- Ndodh mrekullia! 3-vjeçari nxirret i gjallë pas 158 orësh nën rrënoja
- Ekipi gjerman pëfundon misionin e kërkim-shpëtimit, largohet nga Turqia
