Gazetari: I operuan këmbën e gabuar, i ofruan operacion falas për këmbën e dëmtuar

Një ngjarje e pazakontë ka ndodhur me një pacient nga Ferizaj, i cili ka shkuar në Maqedoninë e Veriut për të operuar gjurin.

Pacienti Remzi Toçilla pasi kishte bërë të gjitha ekzaminimet për të operuar gjurin e majtë, e bëri edhe ndërhyrjen. Por, pasi i doli anestezia rezultoi se në të vërtetë kishte operuar gjurin e djathtë.

Gazetari nga RMV, Furkan Saliu raportoi në emisionin GoodMorning Albanians në Euronews Albania se spitali që i operoi këmbën gabimisht pacientit nga Kosova i ofroi operacion falas për këmbën e dëmtuar gjë që nuk është pranuar prej tij.

“Është një gabim i mjekut, madje është pranuar nga ekspertiza dhe superekspertiza, madje është pranuar nga vetë mjeku dhe është një proces gjyqësor dhe për 2 vjet nuk ka lëvizur asgjë. Pacienti i ka ndjekur të gjitha procedurat. Spitali ka mbi 10 vjet në treg, po nuk duhet parë si biznes i thjeshtë se është edhe pjesa njerëzore dhe etike. Pacienti nuk ka pranuar që ta operojë këmbën tjetër edhe pse ja kanë ofruar dhe tashmë është në proces gjyqësor me spitalin”, tha gazetari.

LEXONI GJITHASHTU:

• Pacientit nga Kosova i operojnë këmbën e gabuar në RMV
• Kosova nuk u fut në axhendën e mbledhjes së KiE, Osmani: Është vetëm çështje kohe