Gazetari Koka: Policia e implikuar, parcelat e drogës kultivohen me gjithë kushtet

Gazetari Spartak Koka tregoi në një intervistë për “Good morning Albanians” në Euronews Albania se policia është e implikuar në kultivimin e lëndëve narkotike në Shqipëri.

Sipas tij, diçka e tillë është lehtësisht e kuptueshme që nga momenti kur parcelat e drogës kultivohen me të gjitha kushtet.

“Nga një anë kemi një retorikë ku na thuhet që s’do të kemi më kultivim, nuk ka më kultivim dhe nga ana tjetër ne shikojmë investime të tilla, parcela të tilla dhe në ambiente të jashtme. Malësia e Madhe po na tregon se ata nuk pyesin as për polici dhe për askënd tjetër, 10 mijë rrënjë janë shumë dhe na tregojnë sa e dobët është policia dhe shteti shqiptar para organizatave kriminale dhe grupeve kriminale të cilat kanë buxhet sot, kanë financa dhe nuk e kanë problem sot të humbin as 3 apo 4 parcela sepse ata do t’i rikthehen sërish,” – u shpreh Koka.

LEXONI GJITHASHTU:

• Avokati: 5-10 vite burg për kultivuesit e drogës, por “kokat” nuk kapen nga policia
• Kultivonin marijuanë në Evropën Veriore, arrestohen 9 shqiptarë për trafikim droge