Gazetari Abdylvehap Ejupi u shpreh gjatë një interviste për Euronews Albania, se nëse Rusia do të sulmojë anijet me grurë që nisen nga Ukraina, do të ketë një reagim nga Turqia, i cili do të jetë fatal për shtetin rus.

“Nëse Rusia sulmon anijet me grurë, do ketë reagim nga Turqia së bashku me Kombet e Bashkuara, së bashku me vende të tjera do të marrin një vendim për sanksione edhe më të tepërta. Sanksionet e Turqisë do ishin fatale për Rusinë”, tha ai.

Gazetari sqaroi më tej se autoritetet turke janë në kontakt të vazhdueshëm me palën ukrainase dhe ruse për marrëveshjen e realizuar.

“Turqia bëri thirrje në një komunikatë sot, që përkrah marrëveshjen e realizuar për grurin dhe është në kontakt të vazhdueshëm me palën ukrainase dhe ruse”, u shpreh më tej gazetari.

LEXONI GJITHASHTU:

• Nisma “Thurje” në zgjedhjet lokale, Shabani sulmon Bashën dhe Veliajn
• SHBA liron të burgosurin më të vjetër të Guantanamos