Gazetari: Pas takimit në Ohër, Asociacionin e ka në dorë BE-ja

Gazetari Muhamet Hajrullahu thotë se pas takimit të kryeministrit të Kosovës, Albin Kurti dhe presidentit të Serbisë, Aleksandër Vuçiç në Ohër të Maqedonisë së Veriut, Asociacionin e ka në dorë Bashkimi Evropian.

Në një intervistë për Euronews Albania, Hajrullahu u shpreh se pret që i dërguari i BE përdialogun, Miroslav Lajçak të thërrasë në Bruksel, dy negociatorët, Besnik Bislimi dhe Petar Petkoviç.

“Besoj se tani është në dorën e Bashkimit Evropian, kryesisht të zotit Lajçak. Pas takimit, çështjen e Asociacionit e ka në dorë Bashkimi Evropian. Zoti Lajçak di të thërrasë zotin Petkoviç dhe zotin Bislimi, dy negociatorët,  për të parë lëvizjen para statutit të Asociacionit dhe zbatimit të pikave të tjera në marrëveshje.

Kjo pritet të ndodhë në dy javët e ardhshme. Çështja ka mbetur nga nisja në zbatim. Mendoj që Kosova, qeveria dhe zoti Kurti po mendon që marrëveshjen nuk do ta nënshkruajë Vuçiç”, theksoi ai.

LEXONI GJITHASHTU

• Sulmohet efektivi i policisë në veri të Kosovës
• “Për Zajednicën”, aktivistë të PSD-së gjuajnë me tortë zv.kryeministrin Bislimi
• Lajçak: Asociacioni, kushti kryesor për zbatimin e propozimit evropian