Gazetari tregon pse joshen shqiptarët për të emigruar drejt Britanisë së Madhe

Gazetari në Belgjikë, Albi Xhunga u shpreh se shqiptarët joshen për të emigruar drejt Britanisë së Madhe, pasi është më lehtë të punosh në të zezë edhe pse procedurat për azil zgjasin më shumë se në çdo vend tjetër të Europës.

Ai tha se emigrantët e jashtëligjshëm mund të lëvizin më lirshëm brenda Britanisë së Madhe.

“Emigrantët nuk gjejnë paga më të larta në Britani, por gjejnë më shumë tolerancë. Është shumë e lehtë të punosh në të zezë në Britani se në shtetet e tjera të Europës”, u shpreh gazetari.

Xhunga tha se krimi i organizuar shqip-folës është një problem shumë i madh për shtetet europiane.

“Europa ka vazhdimisht nevojë për forcë punëtore. Europa është e bezdisur nga emigracioni i paligjshëm. Europa ka nevojë për forcë punëtore dhe nuk ka nevojë për emigracion të paligjshëm, kërkohen njerëz të kualifikuar”, tha ai.

LEXONI GJITHASHTU:

• A do ketë ndryshime në policinë e Tiranës? Përgjigjet drejtori Lorenc Panganika
• Varheyli mirëpret marrëveshjen për liberalizimin e vizave për Kosovën
• Gazetari tregon se kush është i preferuari i Ramës për kreun e SPAK