Gazetari: Vrasja e Liridonës do gjykohet nga prokurorja serbe me përkthim

Vrasja e Liridonës, një ndër rastet më tragjike në Kosovë pas luftës, do të hetohet nga prokurorja serbe, Javorka Perlinçeviç.

Rasti i është ndarë prokurores serbe, pasi në fazën fillestare u hetua nga prokurorja Besa Limani, e cila së shpejti pritet të pensionohet. Gazetari Vullnet Krasniqi tha në një intervistë për “Good Morning Albanians” se rasti i kaloi kësaj prokuroreje vetëm në bazë të radhitjes.

“Është shqetësuese se si ky rast kaq i rëndë i një rëndësie të tillë i është lënë në dorë një prokuroreje e cila pritet të dalë shumë shpejt në pension. Kjo tregon joseriozitetin në Kosovë me të cilën prokuroria e ka trajtuar këtë. Ky rast i ka kaluar prokurores serbe në bazë të radhitjes, pas ndonjë diskutim të mëparshëm se kush është më e afta. Dosja e hetimit deri më tani është bërë në gjuhën shqipe, nuk e dimë se sa kohë do duhet që prokurorja të njihet me çështjen. Çështja do të gjykohet në Prishtinë dhe prokurorja serbe do shoqërohet nga përkthyesi”,-tha gazetari.

Gazetari tha gjithashtu se prokurorja Perlinçeviq nuk ka pasur ndonjë rast të madh e publik në karrierën e saj.

Megjithatë nga rastet e trajtuara nga kjo prokurore, vlen të theksohet vrasja e një personi te nënkalimi në Prishtinë. Aty një i dyshuar pas një sulmi fizik, e kishte shtyrë shkallëve viktimën, i cili nga goditjet kishte vdekur. Prokurorja serbe e kishte cilësuar veprën si “Vrasje nga pakujdesia”. I dyshuari ishte dënuar me 4 vjet e 8 muaj burg.

Perlinçeviq jeton në Shtërpcë, kurse provimin e Jurispodencës e kishte kaluar në Beograd. Ajo punon si prokurore që nga viti 2012.

Naim Murseli, Kushtrim Kokalla e Granit Plava që dyshohen për vrasjen e Liridona Ademajt, janë shpërndarë në burgje të ndryshme. Ndaj Plavës, kishte pasur edhe një tentim për ta sulmuar në burg gjatë javës së kaluar.

LEXONI GJITHASHTU:

• Eksperti: Liridona me karakter të fortë, habitem si nuk e dalloi planin e Naimit
• “Naimi urrente bixhozin”- Murseli: Familja e Liridonës edhe të më bëjë rrafsh…