Gazetarja: Dosja e ‘Sterilizimit’ do të djegë shumë emra të njohur të politikës

Gazetarja Glidona Daci thotë se viti 2023 do të jetë i frikshëm sa i përket funksionarëve të lartë që kanë shkelur ligjin.

Në një intervistë për Euronews Albania, Daci u shpreh se dosja e Sterilizimit dhe ajo e Check up-it që janë drejt përfundimit, pritet të djegin shumë emra të njohur të politikës.

“Kemi dosjen e sterilizimit e cila është drejt përfundimit dhe pritet të djegë shumë emra të njohur të politikës. Është dosja e check up. Për sterilizimin kam garanci të plotë që shumë shpejt do kemi zhvillime. Ndoshta është ajo e shprehja e populli të që po i lënë të hanë rehat edhe vitin e ri dhe do të japin llogari para drejtësisë. Këto dosje të dyja të lidhura me Ministrinë e Drejtësisë janë një skandal i madh që çoi në bllokimin e operacioneve, pasi nuk ke mundësi të bësh sterilizimin e mjeteve spitalore. Edhe në dosjet e bëra publike dhe hetime që kemi mundur të sigurojmë, padyshim që pritet të djegë emra të njohur të politikës”, tha gazetarja.

LEXONI GJITHASHTU:

• Dosja e kompleksit Partizani, pyetet ish-drejtori i klubit Isa Tare
• Dosja e I.M e Sigurimit, Partia e Lirisë: Gjykata ka pranuar ankimimin e Metës