Gazetarja flet nga Zveçani: Serbët qëlluan gazetarët dhe policët

Gazetarja Gresa Bardhecaj tregoi në një lidhje për Euronews Albania nga Zveçani se rruga drejt Jarinjes dhe Rudares vijon të jetë e bllokuar që nga një natë më parë.

Bardhecaj u shpreh se serbët lokalë në veri sulmuan dhe gazetarët që ishin duke raportuar në Rudare si edhe policinë e Kosovës.

“Serbët lokalë në shenjë pakënaqësie ndaj arrestimit të një ish-pjesëtari të policisë me akuzën se ka marrë pjesë në sulmin ndaj zyrave të komisionit zgjedhor në veri. Dje situata ka qenë shumë e tensionuar pasi shok bombat janë hedhur edhe në drejtim të gazetarëve që po raportonin nga Rudare. Ka pasur edhe përplasje me armë zjarri të policisë së Kosovës ndaj grupeve kriminale që e sulmuan policinë në pikën kufitare në Jarinje”, tregoi gazetarja.

LEXONI GJITHASHTU:

• Lista Serbe: Të mos pengohen EULEX-i dhe KFOR-i në veri
• NATO dënon sulmin ndaj EULEX: Jemi plotësisht të aftë të përmbushim mandatin tonë