NATO dënon sulmin ndaj EULEX: Jemi plotësisht të aftë të përmbushim mandatin tonë

Për sulmin me shok-bombë ndaj një patrulle të EULEX-it në Rudarë, ka reaguar edhe zëdhënësja e NATO-s, Oana Lungescu.

Ajo ka thënë se NATO bashkohet me aleatët e saj dhe Bashkimin Evropian që dënojnë fuqishëm sulmin e mbrëmshëm.

“Çdo sulm i tillë është i papranueshëm dhe kryesit duhet të mbajnë përgjegjësi”.

Ajo ka thënë që Misioni i NATO-s në Kosovë, KFOR-i, mbetet jashtëzakonisht vigjilent dhe plotësisht i aftë për të kryer mandatin që ka.

“U bëjmë thirrje të gjitha palëve që të shmangin veprimet dhe retorikën provokuese dhe të kontribuojnë për qetësinë dhe stabilitetin”, ka shkruar ajo në Twitter.

LEXONI GJITHASHTU:

• Lista Serbe: Të mos pengohen EULEX-i dhe KFOR-i në veri
• Xhaçka dënon sulmin ndaj EULEX-it: Të hiqen menjëherë barrikadat në veri