Nikoll Gegaj, ish-kryetar i bashkisë së Tuzit në Mal të Zi thotë se ky është viti i parë kur për shqiptarët në Mal të Zi është institucionalizuar festa e 28 Nëntorit, në përdorimin e simboleve kombëtare dhe me flamurit shqiptar.
Në një intervistë për Euronews Albania, Gegaj u shpreh se në këto kushte, në mbledhjen e përbashkët të kuvendeve të Kosovës dhe Shqipërisë duhet të kishte edhe shqiptarë të trevave, Mali i Zi, RMV e Presheva.
“Pavarësisht se bashkia e Tuzit dhe vise të tjera në Mal të Zi prej ditësh janë ngjyrosur me flamujt kuqezi, gjatë këtij viti është insitucionalizuar festa e 28 Nëntorit për shqiptarët në Mal të zi, pra me flamur dhe himn. Mali i zi gjendet në një krizë shumë të madhe politike dhe institucionale. Pavarësisht situatës, ne në Mal të Zi e festojmë Ditën e Flamurit. Kjo është kryefesta më përbashkuese e shqiptarëve, dita kur Skënderbeu dhe Ismail Qemali ndërtuan urën 500-vjeçare që nxori shqiptarët nga errësira. Shqiptarët me ngritjen e flamurit u kthyen në familjen evropiane”, tha Gegaj.
LEXONI GJITHASHTU:
- “Duhet të bëhemi më shpesh bashkë”, Kurti: T’i pranojmë njëri-tjetrit kritikat
- “Thaçi i mungon kësaj salle”, Rama: Shqiptarët sot, më shumë të drejta
