Gemi paralajmëron: Vota familjare do mbizotërojë, pritet të kemi surpriza!

Pedagogia Eda Gemi komentoi gjetjet e Barometrit në Euronews Albania lidhur me perceptimin e qytetarëve që jetojnë në Shqipëri për pjesëmarrjen në votime të qytetarëve shqiptarë në diasporë.

Sipas saj, vota e emigrantëve të diasporës do të jetë në mënyrë të pashmangshme e lidhur me interesat e tyre familjare apo farefisnore.

“Nisur nga eksperienca në Greqi, së pari duhet ta shohin në 2 aspekte, ka një imazh për Shqipërinë që nuk është i miri i mundshëm, por kur vjen puna për të votuar ne jemi një fshat i vogël, dhe padyshim vota nga pikëpamja materiale do bazohet nga interesa familjare, farefisnore. Kur vjen puna për votën vjen i pari interesi familjar apo farefisnor. Sa i përket regjistrimit në sistem dhe votimit edhe aty do kemi surpriza, se regjistrimin nuk përkthehet në numrin e votave në Shqipëri”, tha ajo.