“Gërdeci”- Mbërrin letërporosia nga SHBA për marrjen në pyetje të shtetasve të huaj

Ditën e sotme në GJKKO u zhvillua seanca gjyqësore ndaj ish-ministrit Fatmir Mediu për çështjen “Gërdeci”, ku nga shpërthimi në fabrikën e demontimit të municioneve në vitin 2008, humbën jetën 26 persona dhe u plagosën disa të tjerë.

Ditën e sotme në GJKKO dëshmoi vetëm Rezart Tershana ish-funksionar i Ministrisë së Mbrojtjes, në komisionin e vlerësimit të çmimeve për demontimin e municioneve.

Gjatë seancës së sotme, në GJKKO ka mbërritur lerërporosia nga SHBA për marrjen në pyetje të shtetasve të huaj, që kanë qenë të përfshirë në aktivitetin e demontimit të armëve.

Autoritetet amerikane kërkuan që të plotësohet kërkesa e bërë nga drejtësia shqiptare, për marrjen në pyetje të Patrik Henry dhe personave të tjerë.

Ata kërkojnë të dijnë statusin e tyre penal në vendin tonë, interesin e tyre për hetimin dhe për çfarë do të shërbejnë dëshmitë e tyre.

Pyetja e tyre mund të bëhet edhe me video-konferencë. Seanca gjyqësore në SHBA është përcaktuar në 12 maj 2024, nëse plotësohet letërporosia.

Ndërkohë seanca e radhës për çështjen “Gërdeci” do të mbahet në 13 mars të këtij viti.

LEXONI GJITHASHTU:

• “Prita 16 vite për tu pyetur”, Mediu-dëshmitarëve: Mos heshtni për “Gërdecin”
• “Gërdeci”| Mediu pas daljes nga GJKKO: Doli qartë, ministri ka zbatuar vetëm ligjin