Gërvalla në OKB: Nuk ekziston Kosova dhe Metohia, është gjuhë e Millosheviçit

Ministrja e Punëve të Jashtme të Kosovës, Donika Gërvalla-Schëarz gjatë fjalës së saj në Këshillin e Sigurimit të OKB-së ka folur lidhur me termin Kosova dhe Metohia. Gërvalla u shpreh se kjo është një gjuhë dhe terminologji e ish-presidentit serb, Sllobodan Millosheviç si dhe e personave që sipas saj ndjekin ideologjinë e tij.

“Ma lejoni ta bëjë të qartë që s’ka Kosovë dhe Metohi. Kosova dhe Metohia është shprehje e qartë e ambicieve hegjemoniste të Serbisë. Është gjuha e vjetër e Sllobodan Millosheviçit dhe e atyre që e ndjekin atë”, tha Gërvalla.

Më tej gjatë fjalës së saj Gërvalla theksoi se Kosova është ekonomi e fortë. Sipas saj Banka Botërore e ka renditur Kosovën si top lidere në Evropë për rritje ekonomike.

“Fuqia jonë derivon nga populli jonë, nga demokracia jonë perëndimore, dhe nga ekonomia jonë e fortë. Për pestën herë radhë, Banka Botërore e ka renditur Kosovën si top-lidere në rritje ekonomike në Evropë.

Projeksioni për rritjen tonë është përsëri rreth 4%. Investimet e huaja po rriten, dhe fitimet. Kosova është e para në Evropë dhe 3-ta në bota në Indeksin për Sundim të Ligjit”, tha ajo.