Gëzim Tushe: Aborti vetëm për arsye madhore, për përdhunim apo sëmundje

Sipas projektligjit “Për shëndetin seksual dhe riprodhues” të miturat e pamartuara mbi 16 vjeç mund të japin vetë pëlqimin për ndërprerjen vullnetare të shtatzënisë, por të paktën njeri nga prindërit ose kujdestari ligjor duhet të informohen për vendimin e saj.

Ky informim nuk do të realizohet nëse e mitura ka arsye bindëse se njoftimi do të çojë në rrezik të qartë të dhunës në familje, kërcënime, detyrim, keqtrajtim ose braktisje.

Sociologu Gëzim Tushe tha në emisionin GoodMorning Albanians në Euronews Albania se aborti duhet të lejohet vetëm për arsye madhor, në rast të një përdhunimi apo sëmundje.

“Shumë shkencëtarë po thonë që jo në javën e 12, por edhe në javën e 7 kur nis të rrahja e zemrës së fetusit duhet menduar mirë para se të shkohet në abort. Mendoj që vetëm për arsye madhore të shëndetit, rezultat i një përdhunimi, aksidenti seksual, pasi kemi një ulje të moshës së aktivitetit seksual. Unë mendoj se është e drejta e gruas për të vendosur nëse do të shkojë në abort, por kam mendimin që fëmijët mund të mos abortohen por të çohen në institucionet e kujdesit social, ku mund të adoptohen, në kushtet kur numri i lindjeve në vend është në nivele shumë të ulëta”, tha sociologu.

LEXONI GJITHASHTU:

• Genc Sejko përplaset me Gëzim Tushen për modelin që ndjekin shqiptarët
• A jemi në fazë emergjente? Tushe: Ka institucione audituese për qendrat e PAK