Gjatë verës familjet nuk kursyen energji, bizneset ulën konsumin

Në muajt e verës, bizneset kanë ulur me 17% konsumin e energjisë elektrike, ndërsa familjet nuk kanë kursyer. Në këtë periudhë energjia në dispozicion ishte më e ulët për shkak të thatësirës, ndërsa fushata për kursim nuk kishte nisur ende.

Në periudhën korrik-shtator, kur çmimet e energjisë në bursa arritën deri në 500 euro/megavat, familjet nuk kanë kursyer energji elektrike. Konsumi në këtë periudhë ishte në nivele të ngjashme me vitin 2021, duke qëndruar në 696 mijë KWh.

Në këtë periudhë thatësire, fushata për kursim të energjisë elektrike nuk kishte nisur ende, edhe pse energjia elektrike në dispozicion ishte 9% më e ulët.

Bilanci i publikuar nga INSTAT tregon se sipërmarrjet ishin ato që harxhuar më pak energji. Përdorimi nga jo familjarët ra me 17% me bazë vjetore në tremujorin e tretë, duke zbritur në 818 mijë KWh. Mbyllja e përkohshme e fabrikave të mëdha si Kurum dhe Albchrome, por edhe çmimet e larta për bizneset që blejnë rrymë në treg të lirë ndikuan në sjelljen kursyese të biznesit.

Të dhënat tregojnë se importi në muajt korrik-shtator u rrit në 1140 GWh nga 975 GWh që ishte në të njëjtën periudhë të një viti më parë.

LEXONI GJITHASHTU:

• Balluku: Porti në Porto Romano do kushtojë 390 mln euro
• ‘Të kam falur’, Balluku i kthehet Bushatit në komision: Flisni për projekte 3D
• Porti i Durrësit projekt mafioz, Meta: Gjithçka bëhet për të fituar nga apartamentet