Gjenocidi, termi që ndan politikanët për luftën në Ukrainë

Hetuesit ndërkombëtarë, përfshirë një ekip francez, po dokumentojnë krimet e supozuara të luftës të kryera nga trupat ruse në pjesë të ndryshme të Ukrainës.

Disa liderë, si presidenti amerikan Joe Biden, besojnë se Rusia po kryen gjenocid. Por për presidentin francez Emmanuel Macron, fjala gjenocid duhet të përdoret në bazë të dhënave. Dhe ekspertët theksojnë se “gjenocidi” është shumë i vështirë për t’u provuar.

“Fjala gjenocid ka një kuptim dhe ky term sot duhet të përcaktohet  ligjërisht dhe jo nga politikanët”, tha Macron.

“Krimi i gjenocidit është shumë i vështirë për t’u vërtetuar sepse duhet të provosh qëllimin specifik. Kur presidenti Joe Biden tha se në Ukrainë po kryhet gjenocid, unë mendoj se ato fjalë kanë më forcë si një deklaratë politike. Dhe sigurisht pasqyron disa nga tendencat dhe raportet shqetësuese që po marrim nga Ukraina. Por nuk besoj se është bërë në bazë të ndonjë përcaktimi zyrtar që ka kryer qeveria amerikane”, thotë Gisso Nia, juriste për të Drejtat e Njeriut.

Në fakt, Gjykata Penale Ndërkombëtare është e kujdesshme dhe për momentin flet për “indikacione” se janë kryer krime.

“Siç kam thënë kur kam paraqitur dosjet në gjykatë më 2 mars, brenda juridiksionit të gjykatës ne kemi arsye të për të besuar se janë kryer krime”, shprehet Karim Khan, Prokurori i Gjykatës Penale Ndërkombëtare.

Qeveria ukrainase beson se ndërsa arrijnë të “çlirojnë” më shumë territore, më shumë krime do të dalin në pah. Rusia akuzon drejtësinë ndërkombëtare si ‘të njëanshme’ dhe ukrainasit për vrasjen e civilëve.

LEXONI GJITHASHTU

• Macron heziton t’i quajë gjenocid sulmet ruse në Ukrainë
• Bajden akuzon Rusinë për gjenocid