Gjermania e nis me humbje, Spanja likuidon Bullgarinë në transfertë

Në letër ka kundërshtarët më të lehtë në grup, por Gjermania nuk e nisi si duhet fushatën kualifikuese drejt Kupës së Botës, ku për çudi u mposht nga Sllovakia, në një ndeshje jo në ritmin e duhur nga panzerat. Pavarësisht dominimit, miqtë e patën të pamundur të gjejnë golin, me sllovakët që goditën në dy momente dhe shënuan nga një gol për secilën pjesë.

Në minutën e 42’ Hancko zhbllokoi shifrat dhe aty pritej të vinte reagimi i gjermanëve, por që nuk ndodhi, pasi sapo nisi pjesa e dytë Strelec dyfishoi rezultatin. Në vijim nuk ndodhi më asgjë, me panzerat që e nisin me humbje fazën kualifikuese. Në krye të grupit qëndron Irlanda e Veriut, që mposhti Luksemburgun në ndeshjen e parë.

Fitore regjistruan Spanja, Belgjika, Turqia dhe Uellsi. Kampionët e Evropës kaluan pa probleme pengesën Bullgari duke shënuar 3 herë që në pjesën e parë me Oyarzabal, Merino e Cucurella. Belgjika likuidoi Lihtenshtejnin në shifrat 0-6 në një përballje pa histori, ndërsa ky është triumfi i dytë në 3 javë për djajtë. Holandë-Poloni dhe Lituani-Maltë ishin sfidat e vetme të cilat nuk prodhuan fitues.

LEXONI GJITHASHTU:

• Një tjetër ndryshim në listën e Shqipërisë, largohet portieri i kuqezinjve
• Ndryshon lista e kombëtares: Mbrojtësi shqiptar braktis kuqezinjtë, zgjedh Zvicrën