Gjermania mohon të ketë negociuar me Rusinë për furnizimin përmes Nord Stream 2

Pavarësia energjetike e Gjermanisë nga Moska është thelbësore dhe Berlini nuk po negocion me Rusinë për furnizimet e mundshme të gazit rus përmes gazsjellësit të dëmtuar pjesërisht të gazit Nord Stream 2, njoftoi sot Ministria gjermane e Ekonomisë.

“Pavarësia nga gazi rus është e një rëndësie strategjike për qeverinë gjermane në aspektin e politikës së sigurisë dhe ajo i përmbahet kësaj”, thuhet në deklaratë.

Ministria po i përgjigjej një raporti të Financial Times se një aleat i vjetër i presidentit rus Vladimir Putin po lobon në Shtetet e Bashkuara që të shqyrtojnë rifillimin e projektit prej 11 miliardë dollarësh.

Gjermania është mbështetur shumë në gazin rus për dekada, por Norvegjia është bërë furnizuesi më i madh i Gjermanisë që nga fillimi i luftës në Ukrainë.

Estonia dënoi gjithashtu përpjekjen e supozuar për të rifilluar eksportet e gazit nëpërmjet Nord Stream 2 si ” një hap në drejtimin e gabuar për sigurinë energjetike evropiane”.

“Vendi i duhur për Nord Stream 2 është në shtratin e detit”, tha ministri i jashtëm estonez Margus Cakna

Muajin e kaluar, Estonia, së bashku me Lituaninë dhe Letoninë, përfunduan procesin e kalimit nga energjia elektrike ruse në sistemin e BE-së për të qenë e pavarur nga Moska, raporton Reuters.

LEXONI GJITHASHTU:

• Gjermania mbyll konsullatat iraniane pas ekzekutimit të shtetasit gjermano-iranian
• Gjermania përballet me një zgjedhje të rëndësishme: Çfarë pritet nga votimet e sotme