Gjiknuri ironizon protestën: Sikur po vjen pleqësia e BE për gjaqet tona

Sekretari i Përgjithshëm i Partisë Socialiste, Damian Gjiknuri tha në “Now me Erla Mëhillin” se protesta e opozitës në të njëjtën ditë me samitin mund të paralelizohet me shprehjen “lëvizja gjithçka, qëllimi asgjë”.

Sipas tij, nuk ka asnjë arsye se përse protesta të mbahet më 6 dhjetor, po të njëjtën ditë kur liderët e Bashkimit Europian dhe ata të Ballkanit Perëndimor do të mblidhen në Tiranë.

“Veprimi politik po ta kalkulosh, përtej anës qesharake që nuk ja heq njeri sepse është tipike e tillë sepse nuk mund të protestosh, doli dhe me sloganin ‘protestoj pro Europës’, nga pikëpamja politike nuk fiton asgjë, përkundrazi identifikohet si një njeri që edhe këtë event që është në të mirë të Ballkanit dhe që zhvillohet në Tiranë do ta bëjë pis,” – u shpreh Gjinkuri.

Sekretari i Përgjithshëm i PS-së ironizoi protestën duke thënë se duket sikur pleqësia e BE-së po vjen për t’u marrë me gjaqet tona, ndërsa nënvizoi se Berisha e vetmja gjë që fiton është të duket se është gjallë.

LEXONI GJITHASHTU:

• Ata që mikpresin samitin po merren me protestën tonë, thotë Berisha
• “Budallallëk shqiptar”, Ylli Manjani flet për samitin e BE në Tiranë