Gjinekologu: 25-35 vjeç mosha më e mirë për t’u bërë nënë, pastaj risqe për fëmijën

Një tjetër rast suksesi ka qenë ai për një paciente në maternitetin “Koço Gliozheni”. Pas 25 vitesh pritje, Lindita, 43 vjeçe ka sjellë në jetë fëmijën e saj të parë.

Kastriot Dallaku, obstetër gjinekolog tha në emisionin GoodMorning Albanians në Euronews Albania se pacientja ka pasur një shtatzëni të qetë pa komplikacione të rëndësishme, edhe pse në moshën e saj risqet janë më të mëdha.

Mjeku u shpreh se mosha më e mirë për tu bërë nënë është 25-35 vjec ndërsa pas kësaj moshe gjasat për të shfaqur komplikacione janë më të mëdha.

“Shtatzënia ka suksesin më të plotë në grupmoshat 25-35 vjeç, duke kaluar mosha pas 35-40-45 vjeç rreziqet për shtatzëni janë më të mëdha si për nënë edhe për fëmijën. Janë rreziqe të krijimit se cilësua e vezës nuk është e njëjta me një nënë në moshë të re, mundësitë e keqformimit të fëmijës dhe rreziqet e shëndetit të nënës janë më të mëdha”, tha mjeku.

LEXONI GJITHASHTU:

• Rast suksesi në Tiranë, 43-vjeçarja bëhet nënë pas 25 vjetësh
• Kryebashkiaku i Selanikut: Gjyshja e nënës time është greke, por ka lindur në Korçë