Gjirokastër regjistrohen zjarre problematikë në Prongji dhe Kordhocë

Dy vatra zjarri problematike u regjistruan gjatë ditës së premte në zonën e Gjirokastrës. Megjithëse flakët u shfaqën në shkurre dhe kullota sërish është dashur ndërhyrja e Shërbimit Zjarrfikës për shuarjen e tyre dhe evitimin e rrezikut për banorët.

Fillimisht një zjarr problematik përfshiu një sipërfaqe kullote në kodrat e fshatit Prongji. Menjëherë në vendngjarje u nis një automjet zjarrfikës me 6 efektivë. Në mbështetje të zjarrfikësve u vendosën edhe  strukturat e bashkisë dhe banorë të zonës duke bërë të mundur shuarjen e flakëve.

Vatra e dytë e zjarrit u regjistrua në zonën e Kordhoces, Lazarat. Flakët përfshinë një sipërfaqe me shkurre dhe të ndihmuara nga era rrezikonin banesat. Ndërhyrja e strukturave të emergjencave bëri të mundur shuarjen e zjarrit dhe evitimin e dëmeve për banorët.

LEXONI GJITHASHTU:

• “90% të zjarreve vijnë nga bombulat e gazit”, Goxhaj: Mos përdorini ato të kampingut
• Sezoni i zjarreve në Evropë nis më herët dhe zgjat më shumë