“Gjirokastra plot, vështirë të gjej hotel”, Kumbaro: Dhomat zihen që në prill

Ministrja e Turizmit Mirela Kumbaro tha për “Now me Erla Mëhillin” se hotelet në jug janë të gjitha plot.

Ajo madje theksoi se e ka të vështirë që edhe në Gjirokastër ku shkon çdo javë, të gjejë dhoma bosh pasi janë të gjitha të zëna nga turistët dhe ka shtuar se dhomat zihen që në prill e në maj.

“Hotelet janë të gjitha të plot. Gjithë hotelet e bregdetit janë të rezervuar deri në shtator. Por po ju përmend Gjirokastrën. Gjirokastra është e tëra plot. Unë që shkoj çdo javë e kam të vështirë të gjej dhoma në hotelin ku dua, që në prill e në maj, sepse janë të zëna.

Ndërsa sa u takon çmimevem, ka një treg që ka dy elemente, rëndësi ka që duhet të ketë hotele për të gjitha kategoritë. Nëse çmimet janë transparente dhe pronarët janë të rregullt me tatimet, pjesën tjetër e rregullon tregu”,-tha Mirela Kumbaro.

LEXONI GJITHASHTU:

• “Shifrat tregojnë rritje”, Kumbaro: Si po ngrihemi në rang botëror me turizmin
• Trump shoqërohet nga një autokolonë në gjykatë: Nga ditët më të trishta të vendit