“Gjithmonë vdesin të pafajshëm”, izraeliti: Hamasi, “lavazh truri” palestinezëve

“45 njerëz janë vrarë, por kjo është luftë. Gjithmonë ka njerëz të pafajshëm që vdesin sidomos kur përfshihen organizata terroriste”, kështu tha David Barr i ftuar në “Good Morning Albanians” këtë të enjte.

Sipas tij është e vërtetë që në sulmin e bërë në kampin “e sigurt” në Rafah vdiqën 45 persona, por e justifikon vrasjen e tyre duke thënë se mes civilëve, të cilët siç raportojnë mediat ndërkombëtare ishin kryesisht gra e fëmijë, ishin edhe dy komandantë të Hamasit.

Barr tha gjithashtu se vërtet po merren jetë të pafajshme, por një gjë e tillë ndodh në çdo luftë. Sipas tij, është Hamasi ai që donte që një gjë e tillë të ndodhte. Izraeliti tha se organizata e Hamasit i ka bërë “lavazh truri popullit të palestinës dhe ka mësuar edhe fëmijët që të vrasin fqinjët e tyre.

“Nuk ka asnjë ushtri në botë që bën një luftë me baza morale. Njerëzit vriten, ne kemi armiq. Ky është realiteti. Hamasi e donte këtë. Hamasi i ka bërë lavazh truri njerëzve në Palestinë. I ka mësuar fëmijët nga mosha 1-4 vjeç që duhet të vrasin fqinjët e tyre”,-tha ai.

LEXONI GJITHASHTU:

• Italia pas sulmeve izraelite në Gaza: Dhuna ndaj civilëve s’mund të justifikohet më
• “Gjenocidi në Gaza, më i pashembullti në histori”, eksperti: U hodh bomba 2000 kg…