GJKKO jep vendimin për Lefter Kokën, ja me sa vite burg dënohet

GJKKO ka dhënë këtë të hënë dënimin për ish-ministrin e Mjedisit Lefter Koka për çështjen e inceneratorit të Fierit.

Ish-ministri është dënuar me 10 vite burg, me gjykim të shkurtuar dënimi zbret në 6 vite e 8 muaj burg.

Burime për Euronew Albania bëjnë me dije se ish-ministrit Kokës i është bllokuar 1 pasuri ndërsa i janë liruar nga sekuestro të tjerat.

Gjithashtu ish-deputeti i PS Alqi Bllako dënohet me 4 vite burg, me gjykim të shkurtuar ai do të vuaj 2 vite e 8 muaj burg.

Klodian Zoto u dënua me 12 vite burgim, që për shkak të gjykimit të shkurtuar shkon në 8 vite.

Gjykata shpalli fajtor Pëllumb Abeshin për të cilin vendosi dënimin me 3 vite e 6 muaj burg, që për shkak të gjykimit të shkurtuar iu ul në 2 vite e 4 muaj heqje lirie.

Gjithashtu gjykata vendosi pezullimin e vendimit për dënimin me burg, dhe dënimin e tij me 4 vite shërbim prove duke urdhëruar lirimin e tij nga qelia.

GJKKO ka shpallur të pafajshëm Arben Dervishin, Arjola Kodra dhe Juri Imeraj.

Me shërbim prove janë 5 të akuzuar: Gentian Zifla, Regan Merdani, Sabina Canameri, Azem Shateri, Florian Muça dhe Pëllumb Abeshi.

LEXONI GJITHASHTU:

• Video| Shpërthen festa në Kukës, socialistët ngrenë Majkon në krahë
• Vatrat zjarri në disa zona në Tepelenë, policia identifikon 3 autorët