Vatrat zjarri në disa zona në Tepelenë, policia identifikon 3 autorët  

Policia identifikon autorët e 3 rasteve të zjarrvënieve në fshatrat Dorëz, Turan dhe Dhëmblan.

Blutë bëjnë me dije se kanë kapur dhe vënë në pranga shtetasi E. Z., 48 vjeç, banues në fshatin Sinanaj, Tepelenë, pasi dyshohet se ka ndezur për hapjen e kullotës, në fshatin Dorëz, Tepelenë, dhe si pasojë e përhapjes së flakëve është djegur një sipërfaqe e madhe kullote me bimësi të egër.

Gjithashtu, nisi procedimi në gjendje të lirë për shtetasit:

Sh. Z., 59 vjeç, banues në fshatin Turan, Tepelenë, pasi dyshohet se ka ndezur zjarr në vendin e quajtur “Bregu i Gjodhimës”, në fshatin Turan, dhe si pasojë e përhapjes së flakëve është djegur një sipërfaqe toke me bimësi të egër;

A. D., 50 vjeç, banues në fshatin Dhëmblan, Tepelenë, pasi dyshohet se ka ndezur zjarr në vendin e quajtur “Dafina”, në fshatin Dhëmblan, dhe si pasojë e përhapjes së flakëve është djegur një sipërfaqe toke me bimësi të egër.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU: 

• Berisha: Si ka mundësi që gjithë ai armatim dhe terroristët nuk u vunë re nga KFOR-i
• Vodhën dy biznese në Tiranë, arrestohen 2 adoleshentët, në kërkim një tjetër