Video| Shpërthen festa në Kukës, socialistët ngrenë Majkon në krahë

Socialistët në Kukës e kanë pritur me entuziazëm fitoren e Albert Halilaj.

Pas shpalljes së kryetarit të ri të Bashkisë së Kukësit, ata kanë nisur të  brohorasin e madje nga gëzimi kanë marrë peshë në krahë edhe Pandeli Majkon, drejtuesin politik të Partisë Socialiste në Kukës.

Sapo u shpall fitorja e  tij, vetë kryetari i ri i bashkisë foli për kamerat e Euroenws Albania, duke thënë se pavarësisht postit të ri ai do të mbetet një njeri i rregullt e djalë i thjeshtë.

“Falenderoj të gjithë qytetarët e Kukësit për besimin që më kanë dhënë, për këtë përgjegjësi të madhe. U premtoj se do të jem i thjeshtë dhe do u vij në ndihmë të gjithë qytetarëve, lidhur me infrastrukturën, papunësinë, zhvillimin ekonomik, dhe promovimin e turizmit.

E njoh shumë mirë administratën, jam pranë çdo halli të qytetarëve. Për kundërshtarin tim kam vetëm një koment pozitiv, është e vetmja fushatë në Kukës që gjatë 30 viteve që nuk ka pas  asnjë incident. Qytetarët e Kukësit treguan vlera e mirësjellje. Ju kam premtuar qytetarëve, për uljen e papunësisë, turizmin dhe zhvillimin ekonomik. Politika duhet të kthejë sytë nga hallet e qytetarëve, nga njerëzit në nevojë. Falenderoj Ramën që më ka dhënë garancinë se do të jetë prezentë së bashku me qeverinë në katër vitet në vazhdim në Kukës.”-tha ai.

LEXONI GJITHASHTU:

• U zgjodh kryetar bashkie, Halilaj: Jam njeri i rregullt, do mbetem djali i thjeshtë
• FOTO/ Arsenali i armëve që gjeti Policia e Kosovës në Banjskë