Albert Halilaj, i cili është zgjedhur kreu i ri i Bashkisë së Kukës ka dhënë një intervistë për Euroneës Albania.
Ai ka falënderuar qytetarët kuksianë ndërsa u ka premtuar ulje të papunësisë, zhvillim ekonomik dhe promovim të turizmit.
Ai nuk bëri asnjë koment për kundërshtarin duke nënvizuar se fushta politike në Kukës ka qenë e qetë.
“Falenderoj të gjithë qytetarët e Kukësit për besimin që më kanë dhënë, për këtë përgjegjësi të madhe. U premtoj se do të jem i thjeshtë dhe do u vij në ndihmë të gjithë qytetarëve, lidhur me infrastrukturën, papunësinë, zhvillimin ekonomik, dhe promovimin e turizmit.
E njoh shumë mirë administratën, jam pranë çdo halli të qytetarëve. Për kundërshtarin tim kam vetëm një koment pozitiv, është e vetmja fushatë në Kukës që gjatë 30 viteve që nuk ka pas asnjë incident. Qytetarët e Kukësit treguan vlera e mirësjellje. Ju kam premtuar qytetarëve, për uljen e papunësisë, turizmin dhe zhvillimin ekonomik. Politika duhet të kthejë sytë nga hallet e qytetarëve, nga njerëzit në nevojë. Falenderoj Ramën që më ka dhënë garancinë se do të jetë prezentë së bashku me qeverinë në katër vitet në vazhdim në Kukës.”-tha ai.
LEXONI GJITHASHTU:
- PS fiton zgjedhjet në Kukës, qytetarët: Video-skandali i Gjicit nuk ndikoi tek votat
- Polonia e akuzon Gjermaninë: Po tenton të ndërhyjë në zgjedhjet e saj parlamentare
