GJKKO merr vendimin, lihet në burg Vangjush Dako

GJKKO ka lënë në fuqi masën e arrestit me burg për ish-kryebashkiakun e Durrësit Vangjush Dako.

Seanca për masën e sigurisë ndaj ish-kryebashkiakut dhe ish-zyrtarëve të tjerë të bashkisë Durrës ka nisur në orët e paradites dhe ka përfunduar rreth orës 17:00.

Ndërkohë, GJKKO vendosi që Adrian Bulku arrest me burg të lihet në arrest shtëpie, ndërsa Diana Dedja nga arrest shtëpie të lihet në detyrim paraqitje.

Gjatë seancës për masën e sigurisë, në lidhje me pallatin që prokuroria thotë se është dhënë leja në kundërshtim me ligjin, Vangjush Dako i tha Gjykatës se nuk ka dijeni, madje nuk e di dhe sa kate është.

Ai ka dhënë sqarime dhe në lidhje me tenderin për projektin për zhvillimin e vijës bregdetare, nga zona e Brrylit deri në Currila, me pretendimin se nuk kam pasur dijeni dhe gjithçka ka qenë në dorën e specialistëve.

Sipas Dakos kjo procedurë prokuromi publik është zhvilluar nga specialistët dhe se ai nuk ka qenë në dijeni.

Prokuroria e Posaçme arrestoi 2 ditë më parë ish-kryebashkiakun e Durrësit Vangjush Dako dhe 9 ish-zyrtarë të tjerë lokalë të cilët akuzohen për “Shpërdorim detyre”, “Korrupsion” dhe “Falsifikim dokumentesh”.

LEXCONI GJITHASHTU:

• “S’kam dijeni, s’di as sa kate është pallati”- Vangjush Dako flet në GJKKO
• Publikohen fotot e Dakos në gjykatë, i qetë duke komunikuar me të pandehurit e tjerë