Gjuetari nxjerr shifrat: Zagari im shitet 20 mijë euro, por nuk ia jap askujt

Armando Doda, gjuetari i intervistuar këtë javë në “Real People” në Euronews Albania shprehet se qentë e gjuetisë kanë një vlerë që shkon nga 3 mijë euro deri në 7 mijë euro.

Doda i cili ka vetë 2 qenë gjuetie, Munonin dhe Iagon, tha se atij ja kanë kërkuar edhe 5 mijë euro këta qenë, por nuk i ka shitur.

Ai shtoi se e vlerësonte qenin e tij Munonin me një vlerë nga 10-20 mijë euro, për cilësitë e gjuetisë që ai paraqet.

“Si fillim e marrim këlysh të vogël zagarin e gjuetisë. Bëjmë vaksinat, i japim ushqim të gatshëm, kroketa, por edhe ushqim të bërë vetë. Gjatë kësaj periudhe i kushtojmë rëndësi zhvillimit fizik. Kur kalon 7-9 muaj, fillojmë i njohim edhe me terrenin. Nisim bëjmë evidentimin e cilësive që ata paraqesin.

Shumë qenë të mirë nuk i shesim. Një zagar fillon nga 3 mijë euro, deri në 5-6 ose 7 mijë euro.

Unë nuk i shes qentë e mi. Për cilësitë që qeni im (munoni) paraqet, atij mund t’i shkojë vlera 10-20 mijë Euro. Ndërsa Iago po bëhet edhe më i mirë se ai. Mi kanë kërkuar vazhdimisht qentë. Mi kanë kërkuar 5 mijë euro dhe nuk u’a kam dhënë”, tha Doda.

LEXONI GJITHASHTU:

• Gjuetari: Nuk është mit, kaprolli nxjerr lot kur qëllohet
• I apasionuari pas gjuetisë: Gjahtarët vrasës dallojnë nga ne gjuetarët e moralshëm