Gjurmë të Ervis Martinajt në Vlorë? Berberi: Kemi një plan të detajuar

Operacionet e befta të policisë në disa qytete të vendit për kapjen e personave të shumëkërkuar janë zhvilluar prej ditësh edhe në Vlorë.

Drejtori i policisë së qarkut u pyet nëse këto aksione janë zhvilluar në kuadër të zhdukjes së Ervis Martinajt dhe përgjigjja e tij ishte paksa evazive, duke lënë të nënkuptohet se ‘mbreti i bixhozit’ në Shqipëri mund të ketë lënë gjurmë në qytetin bregdetar. Ndërkohë, kryepolici Muhamet Rrumbullaku thotë se për këtë çështje vijojnë hetimet.

“Është e vërtetë që FNSH ka qenë në qytetin e Vlorës, ka një plan të detajuar nga shërbimet e policisë, kemi pasur mbështetjen e tyre. Këto kontrolle do të vazhdojnë edhe në javët në vijim”, tha Gentian Berberi, drejtori i drejtorisë vendore të policisë Vlorë.

Ai u shpreh se çështja e Ervis Martinajt është një çështje që nuk i përket qarkut të Vlorës.

Strukturat e policisë Vlorë do të mbështesin të gjitha strukturat e drejtorive të tjera, për çfarëdolloj verifikimi apo operacione me terren”, tha Berberi.

LEXONI GJITHASHTU:

• Furnizonin me informacione klanin Duka për Ervis Martinajn, gjykata dënon 3 persona
• “Kurthi ndaj Berishës”, Prençi: E vërteta e punonjëses së lidhur me Martinajn