Gjykata e Lartë rrëzoi rekursin e avokatëve të Arben Ahmetajt për kontrollin e vilave në emër të bashkëjetueses së tij dhe ish-bashkëshortes.

Apeli i GJKKO më herët kishte rrëzuar ankimin e Eriola Hoxës, bashkëjetueses së ish-zv. kryeministrit Arben Ahmetaj, si dhe shtetases Elda Dinaj, për të hequr sekuestron e vilave në Hamallaj dhe asaj në Dhërmi.

Avokati i Ahmetaj, theksoi në ankimimin e bërë se kontrollet e ushtruara në banesën e bashkëjetueses së deputetit, Erjola Hoxha, janë në kundërshtim me Kushtetutën dhe cenojnë sovranitetin e Kuvendit të Republikës së Shqipërisë, për shkak të imunitetit të deputetit dhe faktit se ai banonte në atë shtëpi.

Ahmetaj po hetohet nga Prokuroria e Posaçme në lidhje me përfshirjen e tij në çështjen e inceneratorëve.

LEXONI GJITHASHTU:

• Rrëzohet kërkesa e Ahmetaj, lihet në fuqi vendimi për sekuestrimin e vilave
• Arben Ahmetaj rekurs në Gjykatën e Lartë për kontrollin e vilës së partneres