Goditen lojërat e fatit në Lezhë, në pranga dy persona, njëri pronari i lokalit

Dy persona janë arrestuar në Lezhë pasi kishin organizuar lojën “Poker”, në ambientet e lokali në fshatin Rrilë.

Policia bën me dije se në pranga kanë rënë A. N., 38 vjeç, banues në fshatin Rrilë, Lezhë, dhe G. K., 30 vjeç, banues në Krujë, ku njëri prej tyre ishte dhe pronari i lokalit.

Të dy këta shtetas u kapën në flagrancë teksa kishin organizuar në ambientet e një lokali, në katin e dytë të një objekti trekatësh, në pronësi të 38-vjeçarit, në fshatin Rrilë, lojën e fatit “Poker”, në kundërshtim me ligjin.

Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për 12 shtetas që u kapën duke luajtur në këtë lokal, si dhe u sekuestruan në cilësinë e provës materiale, një tavolinë për lojën “Poker”, letra dhe çipsa.

Materialet procedurale i kaluan Prokurorisë pranë Gjykatës së Shkallës së Parë të Juridiksiomit të Përgjithshëm Lezhë, për veprime të mëtejshme.

LEXONI GJITHASHTU: 

• Punimet për Teatrin e Ri, shembet ish-godina e drejtorisë së burgjeve, reagon Veliaj
• Mbi 200 urbanë në shërbim të qytetarëve/ Kontrollorët, gjoba për kondicionerët